ഇന്നത്തെ പ്രധാന ജോലി വാർത്ത

#1

തൃശൂർ, പാലക്കാട്, മലപ്പുറം ജില്ലകളിലെ വിവിധ സർക്കാർ ആശുപത്രികളിൽ ഇ-ഹെൽത്ത് പദ്ധതി നടപ്പിലാക്കുന്നതിന്റെ ഭാഗമായി ഹാൻഡ് ഹോൾഡിംഗ് സപ്പോർട്ടിംഗ് സ്റ്റാഫ് തസ്തികയിൽ താൽക്കാലിക നിയമനത്തിന് വാക്ക് ഇൻ ഇന്റർവ്യൂ നടത്തുന്നു.17ന് തൃശൂർ ജില്ലാ മെഡിക്കൽ ഓഫീസിൽ രാവിലെ 11.30 മുതൽ വൈകിട്ട് നാല് വരെയാണ് ഇന്റർവ്യു.പാലക്കാട് ജില്ലാ ഹോസ്പിറ്റലിലെ ഗവൺമെന്റ് നഴ്‌സിംഗ് സ്‌കൂളിൽ 18ന് രാവിലെ 9.30 മുതൽ വൈകിട്ട് നാല് വരെയാണ് ഇന്റർവ്യു.ഡിപ്ലോമ/ബി.എസ്സ്‌സി/എം.എസ്സ്‌സി/ബി.ടെക്/എം.സി.എ (ഇലക്‌ട്രോണിക്‌സ്/ കമ്പ്യൂട്ടർ സയൻസ്/ഐ.ടി), ഹാർഡ് വെയർ ആന്റ് നെറ്റ് വർക്കിങ്ങിൽ ഒരു വർഷത്തെ പ്രവൃത്തി പരിചയം എന്നിവയുണ്ടാകണം. ഹോസ്പിറ്റൽ മാനേജ്‌മെന്റ് സോഫ്റ്റ് വെയർ ആന്റ് ഇംപ്ലിമെന്റേഷനിൽ പ്രവൃത്തിപരിചയം അഭികാമ്യം. വിശദവിവരങ്ങൾക്ക്: ehealth.kerala.gov.in. ഫോൺ: 9495981772 (പാലക്കാട്), 9745799985 (തൃശൂർ), 9745799946 (മലപ്പുറം).

#2

കാസര്‍കോട് ഗവം കോളേജില്‍ സുവോളജി വിഷയത്തില്‍ ഗസ്റ്റ് അധ്യാപകന്റെ ഒഴിവുണ്ട്. കൂടിക്കാഴ്ച ഫെബ്രുവരി 17 ന് രാവിലെ 10.30 ന് കോളേജില്‍. കോഴിക്കോട് വിദ്യാഭ്യാസ ഡെപ്യൂട്ടി ഡയറക്ടറുടെ കാര്യാലയത്തില്‍ പേര് രജിസ്റ്റര്‍ ചെയ്തവര്‍ക്ക് പങ്കെടുക്കാം. ഫോണ്‍: 04994 256027.

#3

കൊല്ലം: തൊഴിലും നൈപുണ്യവും വകുപ്പിന്റെ ആഭിമുഖ്യത്തില്‍ ഐ ടി ഐ കളില്‍ പരിശീലനം പൂര്‍ത്തിയാക്കിയ തൊഴില്‍ രഹിതരായ ട്രെയിനികള്‍ക്ക് തൊഴില്‍ നല്‍കുന്നതിന്റെ ഭാഗമായി സംസ്ഥാന സര്‍ക്കാര്‍ സംഘടിപ്പിക്കുന്ന തൊഴില്‍ മേള സ്‌പെക്ട്രം ജോബ് ഫെയര്‍ 2021 ഫെബ്രുവരി 16 ന് ചന്ദനത്തോപ്പ് ഗവണ്‍മെന്റ് ഐ ടി ഐ യില്‍ നടക്കും. വിശദ വിവരങ്ങള്‍ക്ക് 0474-2712781 നമ്പരില്‍ ബന്ധപ്പെടാം.